Í bókinni er meðal annars fjallað um samhliða geðraskanir hjá börnum með áráttu- og þráhyggjuröskun (OCD), kippiraskanir (TD) og heilsukvíða (HA). Litið er til þróunar þekkingar á samhliða röskunum í sögulegu samhengi og hvernig sýn fagfólks hefur breyst með tímanum. Í upphafi var samhliða röskunum lítt sinnt og þær taldar endurspegla veikleika greiningarkerfisins, fremur en flókið eðli geðraskana. Með tilkomu DSM-III greiningakerfisins á níunda áratugnum komust fræðimenn að raun um að samhliða raskanir væru algengar, sem leiddi til þess að sjónarhorn á þetta fyrirbæri breyttist. Í kjölfarið þróuðust samþættar meðferðaraðferðir sem taka tillit til margra raskana samtímis.
Kaflinn greinir frá því hvernig nýjustu útgáfur DSM stuðla að betra mati og meðferð með því að leggja áherslu á mikilvægi samhliða raskana. Sérstök áhersla er lögð á að skoða hvernig þessar raskanir birtast í sameiningu, hverjar orsakir þeirra geta verið og hvernig megi aðlaga greiningar og meðferð að aldri og þroska barna.
Einnig eru dregnar fram niðurstöður rannsókna sem sýna að stór hluti barna með OCD greinist einnig með aðrar geðraskanir, sem hefur áhrif á lífsgæði, virkni og meðferðarárangur. Kaflinn veitir þannig mikilvæga innsýn í flókið samspil geðraskana í æsku og styður við þróun árangursríkari og einstaklingsmiðaðra meðferða.
Bókina má nálgast hér: https://www.taylorfrancis.com/chapters/edit/10.4324/9781003517429-15/psychiatric-comorbidity-pediatric-ocrds-orri-sm%C3%A1rason-gudmundur-skarphedinsson-dav%C3%AD%C3%B0-h%C3%B8jgaard