Áráttu- og þráhyggjuröskun (OCD) var upphaflega talin vera röskun sem aðeins birtist hjá fullorðnum, og viðurkenning á henni hjá börnum kom ekki fyrr en um miðja tuttugustu öld. OCD hefur áhrif á um 1% til 3% barna og unglinga og getur valdið alvarlegri skerðingu á lífsgæðum ef hún er ekki meðhöndluð. Þráhyggjur eru endurteknar, þrálátar hugsanir, hvatir eða ímyndir sem ryðjast inn í huga einstaklingsins og upplifast sem óvelkomnar og truflandi. Á móti eru áráttur endurtekin hegðun sem einstaklingurinn finnur sig knúinn til að framkvæma, oft sem viðbragð við þráhyggju. Þessi hegðun veitir tímabundna lausn frá kvíða eða vanlíðan sem þráhyggjan veldur. Einkenni OCD eru mjög breytileg milli einstaklinga, en algeng þemu þráhyggju og/eða áráttu eru ótti við smit eða óhreinindi, ótti við skaða og þörf fyrir samhverfu og skipulag. Samhliða geðraskanir eru algengar með OCD, og flestir sjúklingar glíma við a.m.k. eina aðra geðröskun. Ítarlegt mat á OCD hjá börnum er nauðsynlegt til að skilja einkenni og velja rétta meðferðaraðferð. Þetta nákvæma mat ætti að ná yfir fyrri og núverandi einkenni, áhrifin á daglegt líf, viðbrögð fjölskyldunnar við röskuninni, meðvitund barnsins um eigin einkenni og allar samhliða geðrænar áskoranir. Hugræn atferlismeðferð (HAM) er mælt með sem fyrsta meðferðarúrræði við OCD, en lyf sem hamla endurupptöku serótóníns (SSRI) eru notuð ef HAM meðferð reynist ekki nægilega árangursrík. Þó meðferð reynist árangursrík hjá flestum börnum og unglingum með OCD, er þörf á nýjum meðferðarúrræðum fyrir þau sem ekki njóta góðs af þeim sem nú eru í boði. Auk þess ætti að leggja ríka áherslu á að gera HAM gegn OCD aðgengilegri fyrir börn og unglinga.
Þetta var aðeins útdráttur úr nýútgefnum bókakafla um OCD. Ef þú hefur áhuga á að lesa meira getur þú fundið bókina hérna: https://link.springer.com/referenceworkentry/10.1007/978-3-031-40858-8_200-1
